Dr Priya Insights

होय, आपल्या आयुष्यात एकाहून अधिक स्त्रिया असतात .

तुम्हीच मोजा ना ,
आई, बहीण, पत्नी, वहिनी, मुलगी, आज्जी, नात , सासू ..
लिस्ट अजून वाढू शकते. यातील सहसा एकाहून अधिक स्त्रिया आपल्या आयुष्यात असतात.
तुम्ही स्त्री असाल तर तुम्ही स्वतःला देखील या लिस्ट मध्ये मोजायला हवे .

आज मी दोन कृतींबद्दल सांगणार आहे त्यामुळे तुमच्या जिवलग स्त्रियांच्या मृत्यूचा धोका कमी होईल.

माझ्या पोस्टच्या प्रत्येक वाचकाला माझी विनंती आहे की त्यांनी या दोन कृती नक्की कराव्यात .

सर्वात आधी , तुमच्या आयुष्यातील सर्व स्त्रियांची एक यादी बनवा !
त्यातील अविवाहित मुली एका गटामध्ये आणि ३० वर्षांहुन अधिक वयाच्या स्त्रिया दुसऱ्या गटामध्ये . (तुम्ही स्त्री असाल तर तुम्ही कोणत्या गटात आहात ?

ही पोस्ट मख्यतः एका जीवघेण्या कर्करोगविषयी आहे.
बरोबर ओळखलंत , सर्वायकल कॅन्सर म्हणजे गर्भाशय मुखाचा कर्करोग. हा आजार लवकर लक्षात देखील येत नाही.

पण हा कर्करोग एका विषाणूच्या बाधेमुळे होतो . नाव आहे Human Papilloma Virus. याचे देखील उपप्रकार आहेत . या विषाणूंची बाधा सहसा तरुणपणामध्ये होते,मात्र कॅन्सर  विकसित होईपर्यंत  मध्ये बराच काळ जातो. याचा संसर्ग सहसा लैंगिक संबंधाद्वारे होतो.

खरे तर हा जानेवारी महिना या कर्करोगाबद्दल माहिती देण्यासाठी होता पण तेव्हा मी याविषयी काही लिहू शकले नाही.

तर माझी विनंती आहे सर्वांना ,
पुढील एका महिन्यामध्ये –

१. ३० वर्षांवरील सर्व स्त्रियांची PAP तपासणी करून घ्यायची आहे , जर PAP सह HPV विषाणू बाधा आहे का हेही तपासले जात असेल तर ती जोडचाचणी करून घ्या. यासाठी स्त्री रोग तज्ज्ञाकडे जावे लागेल.
ही टेस्ट जर निगेटिव्ह आली तर पुढची तपासणी पुन्हा ५ वर्षानंतर करायला हवी . आणि तपासणी मध्ये काही शंकास्पद बदल जाणवले तर त्यावर आपण लवकर उपाय करू शकू व कितीतरी त्रास व जीव वाचतील .
यामुळे ही तपासणी करणे ही एक कृती.

२. १५ वर्षावरील सर्व मुलींना HPV ची लस नक्की द्या , जर तो विषाणू संसर्ग झालाच नाही तर भविष्यात कर्करोग होण्याचा धोका खूप कमी होतो .
(लस ९ वर्षावरील मुलींना देता येते )
ही लस सध्या बाहेरून मागवावी लागते मात्र ती सुरक्षित आहे ,कारण इतर अनेक देशात वर्षानुवर्षे दिली जात आहे .
यासाठीही तुमचे स्त्री रोग तज्ञ तुमची मदत करू शकतील.

मी स्वतः देखील या दोन्ही कृती करणार आहे आणि माझा व माझ्या मुलीचा मृत्यूचा धोका , कर्करोगाचा धोका थोडा तरी कमी करणार आहे !

तुम्ही हे करणार असाल किंवा केले तर नक्की सांगा , इतरांना देखील त्यातून प्रोत्साहन मिळेल .

कर्करोगासारखे आजार टाळणे हे उपचारांपेक्षा कमी त्रासदायक असते .
फक्त दोन कृती तुमच्या प्रिय स्त्रियांना सुरक्षित ठेवतील.

(३१/०१/२०२३)
#प्रासंगिक_DrPriya 2

#HPV_Prevention_DrPriya 1

(ही पोस्ट मी जानेवारी 23 मध्ये लिहिली होती. त्यानंतर या सिरीज मध्ये अजून लेख लिहिले. आता भारतीय लस देखील उपलब्ध आहे. )