निप्पल नव्या लिपस्टिक सारखे तिरके दिसतात का ?

स्तनपान देणाऱ्या प्रत्येक आईने लक्षात ठेवायची गोष्ट म्हणजे , बाळ स्तनपान करताना जर काही दुखत असेल तर बाळाची स्तनावरील पकड चुकली आहे .

बऱ्याच वेळा स्तनदा मातांना सांगितले जाते की “सुरुवातीला थोडे दुखेलच, हळूहळू सवय झाली की होईल कमी.” पण हा चुकीचा सल्ला आहे ! स्तनपान कधीही वेदनादायी नसते . प्रत्येक वेदना का झाली याचे कारण शोधून ते दूर केल्यास स्तनपानसंबंधी तक्रारी निर्माण होत नाहीत .

बाळाची पकड स्तनावर असावी, निप्पल किंवा स्तनाग्रावर नाही. याला Deep Latch म्हणतात . जर पकड योग्य नसेल तर milk transfar होऊ शकत नाही. मग बाळ जास्त वेळ स्तन चोखते . तसेच स्तनाग्र टाळू व जिभेमध्ये आल्याने हुळहुळे होते व त्याला चिरा पडून स्तनपान देताना असह्य वेदना होतात.

एक महत्वाची खूण म्हणजे स्तनपान झाल्यानंतर स्तनाग्राचा आकार गोल न दिसता नव्या लिपस्टिक सारखा तिरका दिसतो. याचा अर्थ निप्पल बाळाच्या तोंडामध्ये चेपले जातेय व लवकरच त्याला भेगा पडू शकतात किंवा जखम होऊ शकते .

याचे कारण वर सांगितल्या नुसार shallow latch म्हणजे स्तनावरील उथळ पकड. बाळाला स्तन देताना जर बाळाने तोंड व्यवस्थित उघडले नसेल तर अशी पकड होऊ शकते . अश्यावेळी स्तनाग्र टाळू व जिभेमध्ये अडकून मग पुढील प्रॉब्लेम्स सुरू होतात.

योग्य पकड कशी घेता येईल हे पुढील पोस्ट मध्ये बघूया . ब्लॉग ला subscribe केले की प्रत्येक पोस्ट mail मध्ये पोचेल व तुमच्याकडेही सेव्ह होईल!

प्रत्येक नव्या आईने बाळाला पाजल्यानंतर स्तनाग्र तपासून ते नव्या लिपस्टिक सारखे दिसत नाही ना यावर लक्ष ठेवायला हवे. आणि दिसत असेल तर deep latch करण्याचा प्रयत्न करावा !

डॉ. प्रिया प्रभू (देशपांडे)

drprdeshlande2@gmail.com