तुमच्या – माझ्यामध्ये HMPV च्या अँटिबोडीज आहेत?

(पोस्ट ऐकायची असल्यास लिंक शेवटी दिलेली आहे. )

होय, हे सत्य आहे.

शेवटी एक अतिशय सुंदर पेपरची लिंक देईन जो वैद्यकीय व्यावसायिक वाचू शकतात. पेपर २००६ मध्ये प्रसिद्ध झालेला आहे.

तर झाले असे की, २००१ मध्ये एक विषाणू सापडला , मग असे लक्षात आले की तो नवा  नाही, तो गेली पन्नास वर्षे या जगामध्ये सर्वांना बाधित करतच आहे. ( म्हणजे साधारण १९५० पासून जगभरात पसरलेला आहे)

आणि जेव्हा त्याबद्दल अधिक अभ्यास केले गेले तेव्हा असे समजले की, जन्मतः देखील आपल्या बाळांमध्ये या विषाणूविरुद्ध इम्युनिटी असते जी त्यांना आईपासून व नंतर आईच्या दुधापासून मिळते.

वय वाढताना ती इम्युनिटी कमी झाली की बाळांना याचा संसर्ग होतो आणि बाळ पाच वर्षाचे होईपर्यंत जवळपास 90 टक्के बाळांना याचा संसर्ग होऊन याची इम्युनिटी निर्माण झालेली असते.

प्रत्येक प्रौढ व्यक्ती म्हणजे जवळजवळ 100% प्रौढ व्यक्तींमध्ये HMPV विरुद्ध अँटीबोडीज उपलब्ध आहेत.

तरी देखील अधून मधून याचे पुन्हा इन्फेक्शन होऊ शकते हे लक्षात ठेवायला हवे.

सर्वात महत्वाचा मुद्दा म्हणजे ज्या जंतू विरुद्ध जनतेमध्ये आधीच अँटीबोडीज उपलब्ध असतात, त्याचे कधीच pandemic येऊ शकत नाही. छोट्या मोठ्या साथी येऊ शकतात किंवा उद्रेक होऊ शकतात.

त्यामुळे chill pill घ्या आणि निवांत रहा.
सर्दी सारखे श्वसनाचे आजार टाळण्यासाठी नेहमीची  काळजी घेत रहा.

बातम्या बघून घाबरण्याऐवजी कॉमेडी शो समजून एन्जॉय करा.

• डॉ प्रिया प्रभू. GMC, Miraj
  (७/१/२५)

आजाराची इत्यंभूत माहिती देणारा 2006 मधील हा शास्त्रीय लेख

https://pmc.ncbi.nlm.nih.gov/articles/PMC1539100/

पोस्ट ऐकण्यासाठी युट्युब ची लिंक

https://youtu.be/-lc9m51f4X0?si=2WicdTe3aVeK7akl