बाळाचा जन्म ही खरं तर किती सुंदर घटना , पण त्या क्षणापासून आईला एक मोठी जबाबदारी मिळालेली असते जी बाळाच्या जन्माचा आनंद पूर्णपणे उपभोगू देत नाही !
“मला पुरेसे दूध येईल का? ” आणि “बाळाला दूध पुरतंय ना?” या दोन शंकासुरांनी आयुष्य व्यापून जाते!
कधी दूध कमी तर कधी दूध जास्त आहे म्हणून किंवा कधी निप्पलला जखमा झाल्यात किंवा कधी स्तन दाटलेत म्हणून , फक्त चिंता , चिंता आणि चिंता !
स्तनपानासारखा अप्रतिम अनुभव मिळणे प्रत्येक आई व बाळाचा हक्क आहे आणि त्यासाठी योग्य माहिती आणि सहाय्य देण्यासाठी हा माझा प्रयत्न आहे!
मी एक वैद्यकीय शिक्षक आहे , मेडिकलच्या विद्यार्थ्यांना गेली १७ वर्षे शिकवते ! एक आई आहे जिने स्तनपानासंबंधी अडचणींचा सामानाही केला आणि प्रयत्नपूर्वक स्तनपान सुरू देखील ठेवले ! BPNI या स्तनपान प्रमोशन संस्थेकडून प्रशिक्षित आहे आणि विविध विषयांवर शास्त्रीय व योग्य माहिती देण्याचा छंद आहे!
स्तनपानासंबंधी गैरसमज दूर करून, अडचणींवर मात करून आत्मविश्वासाने स्तनपान करण्यासाठी आवश्यक सर्व माहिती माझ्या पोस्ट मधून मिळेल !
वाचा व इतरांनाही सांगा ! तुमच्या प्रश्नांचे स्वागत आहे .
चला, आनंद पसरवूया !
Leave a Reply